Kato patatah biasonyo disabuik pulo kato pepatah. Asal kato petatah adolah tatah, aratinyo pahatan, atau patokan, atau tuntuna, atau manataha, sarupo manatah anak ketek kapandai bajalan. Jadi patatah aratinyo kato-kato nan manganduang pahatan kato atau patokan hukum atau aturan norma-norma kahidupan.
Bilo kato tatah diartikan sebaga tuntuan, mako kato patatah bisa diartikan sebagai panuntun, atau tuntunan. Kato patath hanyo barupo kato-kati nan dipahekan, misalnyo "hiduik dikanduang adaik". Makasuik hiduik dikandunag adaik, hiduik itu mampunyoi aturan. Untuak majalehkan adaik atau aturan yang dimukasuik mako digunokan kato petiti.
Petiti barasa dari kato titi atau tititan. Titian dalam kahidupan sahari-hari adolah jambatan biaso nan tabuek dari kayu atau batuang. Titian biasonyo digunoan untuak untuak malinteh atau manyubarangi banda atau parik. Jadi kato patiti dapek diartikan sabagai kato-kato untuak manjambatani atau jalan nan dapek ditampuah jo elok-elok untuak manjalani kahidupan sahari-hari.
Kato patitih digunokan untuak manjalehkan kato petatah. Samisalkan untuak manjalehkan petatah "hiduik dikanduang adaik" kato patitihnyo adolah:
Adaik hiduik tolong manolong, adaik mati janguak manjanguak, adaik lai bari mambari, adaik tidak basalang-salang, karajo baiak baibauan, karajo buruak bahambuan.
