Bagai sipontong dapek cicin, bak mancik jatuah kabareh. (Razaki nan dapek dari sumber nan indak disangko-sangko)
Bak kabau dicucuak
hiduang umpamo langgau di ikua gajah. (Urang nan hanyo manuruik kahandak urang lain)
Bak mamaga karambia
condong, bak ayam baranak itiak. (Pangatahuan atau alimu yang indak bamanfaat kapado dirinyo, namun manguntuangan pado urang lain)
Bak mangantang anak
ayam, umpamo basukek baluik hiduik. (Masyarakat nan kurang kaahlian nan sulit diatur)
Bak mahambek aia
hilia, bak manahan gunuang runtuah. (Mangarajoan karajo nan barek nan harus dikarajoan basamo, tapi dikarajoan surang, apolagi indak punyo kaahliah dibidang tu)
Bak mancari jajak
dalam aia, bak mancari pinjaik dalam lunau. (Mancari sasuatu nan indak mungkin didapek, muskipun nan itu ado)
Bak manatiang
minyak panuah, bak mahelo rambuik dalam tapuang. (Karajo an dikarajoan sacaro hati-hati jo mamikian akibaik nan ka timbua)
Bak aia didaun
kaladi, bak talua diujuang tanduak. (Dalam pargaulan, kalau hilang atau jatuah harapan, sarupo kahilangan budi dari seseorang)
Bak manggadangkan
anak ula, umpamo mamaliharo anak harimau. (Urang nan didik dari ketek jo alimu pangatahuan, namun katiko lah gadang mangarajoan nan buruak)
Bak aia jatuah ka
kasiak, bak batu jatuah ka lubuak. (Suatu parsoalan nan diajukan, tapi dilupokan untuak salamonyo)
Bak bagantuang di
aka lapuak, bak bapijak didahan mati. (Urang nan manggantuangkan nasib pado urang yang sangat lemah sacaro ekonomi jo pamikiran)
