Daerah rantau adolah daerah-daerah tampek marantau urang-urang tuo kito dulu. Dari Luhak Nan Tuo, niniak kito bajalan ka daerah lain dan mambuek nagari baru. Ditampek baru tadi niniak moyang tadi mamakai adaik nan dibaok dari nagari asanyo. Hubuangan antaro nagari rantau jo Luak nan Tigo indak putuih.
Nagari rantau Minangkabau tasabuik jo sabutan Rantau nan Tujuah Jurai, diantaronyo:
- Rantau Kampar
- Rantau Kuantan
- Rantau XII Koto
- Rantau Cati Nan Batigo
- Rantau Nan Sambilan (Nagari Sambilan)
- Rantau Tiku Pariaman
- Rantau Pasaman
Daerah Rantau Tiku Pariaman jo Rantau Pasaman disabuik juo wilayah pasisie. Daerah rantau adolah daerah nan badiri sendiri. Pamarentahannyo badiri sindiri, mampunyoi paraturan surang, pucuak pimpinanyo dipiliah dek masyarakaik rantau.
Hubungan katurunan jo hubungan adaik nan kuek, biasonyo daerah rantau tunduak kapado pamarentahan pusek alam Minangkabau. Kadudukan iko sasuai jo undang-undang luhan jo rantau dimano: luhak bapanghulu, rantau barajo. Mukasuiknyo daerah luhak tunduak kapado pamarentahan panghulu, sadangkan rantau tunduak kapado pamarentahan rajo. Samantaro pucuak pimpinan didaerah rantau tatap tunduak kapado Rajo Minangkabau.
Dalam sajarahnyo, di rantau Nagari Sambilan, masyarakak nagari nan tun parnah mangangkek anak-anak Rajo Minangkabau manjadi rajo di nagari nantun. Ikatan jo kasatiaan nan kuek hinggo kini masih tajalin.
