Dalam sistem kakarabatan matrilineal, suadaro nan sapatalian darah manuruik katurunan ibu dijadikan karabat. Hubungan iko lazim disabuik sasuku. Aratinyo, sasuku adolah suatu kasatuan urang nan badunsanak, urang nan barasal dari katurunan nan batali darah, nan ditariak dari garis katurunan ibu.
Dalam satu nagari, sakurang-kurangnyo ado ampek suku. Nagari tadiri dari sajumlah kampuang. Satiok kampuang didiami dek babarapo kalompok rumah. Tiok kalompok rumah didiami dek urang nan saparuik, atau nan barasal dari satu rahim (paruik) nan samo.
Kasado anggota nan mandiami rumah gadang disabuik hubungan kakarabatan sasuku. Jikok sukunyo Caniago, mako kalompok kaum itu disabuik kaum Caniago.
Satiok rumah dalam kalompok dipimpim dek tungganai, samantaro kasado anggota nan badiam di kalompok rumah gadang dipimpin dek mamak kaum. Mamak kaum biasonyo bastatus panghulu, nan biaso disabuik panghulu kaum.
Salanjuiknyo, kumpulan dari babarapo kaum tehimpun dalam suku. Suku dipimpin mamak suku. Mamak suku Paghulu Suku.
Mulonyo, hanyo ado ampek suku di Minangkabau, yaitunyo Koto, Piliang, Bodi, jo Caniago. Suku Koto jo Piliang adolah suku nan ado dalam lingkungan adaik Datuak Katamunggungan, sadangkan suku Bodi jo Caniago dalan lingkungan adaik Datuak Katumunggungan. Salanjuiknyo suku nan ampek itu tapacah-pacah ateh beberapa suku.
Label:
Kakarabatan
