Dimano bumi dipijak, disinan langik dijunjuang,
dimano sumua dikali disinan aia disauak, dimano nagari diunyi disinan Adat
dipakai. (Ajaran adat Minangkabau dapek
dipakai dimano sako, asakan pandai manyasuaikan diri jo masyarakaik nan kito
gauli)
Darah samo dikacau, dagiang samo dilapah, tanduak samo ditanam. (Maresmikan pangangkatan atau panobatan suatu jabata didalaom adak sarupo mangankek panghulu)
Dihannyuik ka aia dareh, dibuang katah lakang. (Mambuang sagalo sifaik-sifaik nan buruak dan maninggakan sagali karajo nan indak elok, sarato indak ingin mangulangnyo baliak)
Dibaok ribuik dibaok angin, dibaok pikek dibaok langgau, muluik jo hati kok balain pantangan Adat Minangkabau. (Laik dimuluik lain pulo di hati, indak sasuai kato jo karajo marupokan larangan dalam adaik Minangkabau)
Dikaji Adat nan ampek, itu pusako tanah Minang. Nak tuah cari sapakaik, nak cilako bueklah silang. (Basatu taguan jo kuek, bacarai dan bapacah balah marupokan kalamahan dan kahancuran)
Ditiliak duduak hukum Adat, ateh bainah nan duo baleh. Sarintiak kudarat jo iradat, dikurasai soko mangko nyo jaleh. (Untuak mamahami ajaran adaik dam filsafatnyo paralu katakunan jo kamauan dalam mamahami arati nan tasirek)
Diatua cupak nan duo, dikaji kato nan ampek, dalam tambolah tasuo, paham disinan mangko dapek. (Kalau untuak mamahami ajaran adaik jo filsafatnyo indak sakadar mananggapi arati lahia kato, namun paralu pulo mamahami arati nan tasirek dibalakangnyo)
Dibilang kato nan ampek, partamo kato pusako, sanang hati santoso tampek, disinan ado raso mardeka. (Kamardekaan itu bisa dirasokan hasilnyo apobilo pabangunan dibidang kasejahteraan hiduik jo tampek tingga nan cukuik jo salasai)
Dubalang kato mandareh, pagawai kato basipaik, antaro masin jo padeh, disinan raso mangkonyo dapek. (Sasudah dibandiangkan ajaran adaik Minangkabau jo adaik adaik lain, mako disitu bari jalaih nalain baiknyo)
Dek rajin pandai nan datang, dek malu buruak tasuo, hari pagi mananti patang, insyaflah diri dengan tubuah. (Kanalah didalam hiduik, mudo ka manjadi tuo, tua ka kambali kapado tanah)
