Nak Mulia Tapati janji mukasuiknyo:
Bakato usah panduto, bajanji usah bamungkie, dibari amanat jan khianat.
Kok janji indak tatapeki, kok kara indak tataguehi.
Mangecek taranjak-anjak, rundiang nan urak-urak ungkai.
Alamaik kajatueh harago diri, urang nan indak picayo lai.
Dek mujue sapanjang hari, dek malang sakijok mato.
Kok niek alun tasampaikan, mako pakaikan pepatah rang tuo,
kato dahulu batapati,
kato kudian bana dicari.
Artinyo tamui bamungko-mungko, kabakan aral rintangannyo.
Sinan dibuek janji baru.
