Falsafah Minangkabau basumber dari alam. Aratinyo, pamikiran-pamikiran urang Minangkabau didasari dari apo nan tajadi di alam. Pamikiran-pamikiran Minangkabau banyak baraja dari kanyataan nan tajadi di lingkungan dalam kahidupan sahari-hari.
Falsafah alam Minangkabau adolah alam takambang jadi guru. Kato-kato iko dituangkan dalam kato-kato adaik nan babunyi
Panakiak pisau sirauik,
kagalah batang lintabuang,
silodang ambiak ka niru.
Nan satitiak jadikan lawuik,
nan sakapa jadikan gunuang,
alam takambang jadi guru
Kato-kato adaik nan sarupo pantun diateh, maisyaraikan supayo baguru ka alam. Salin itu, filsafah di ateh manganduang ajaran bahwasanyo muskipun ilmu nan didapek hanyo saketek,namun di tangan urang Minangkabau illmu nan saketek harus dikambangkan.
Dalam ilimu nan saketek sabanyo banyak takanduang nilai nan sangaik laweh, tagantuang pado kamampuan pamikiran urang nan manarimo ilimu itu. Nan sarupo ko sasuai jo kati-kato adai nan banbunyi:
Minankabau: Kok dibalum sabalun kuku,
kok dikambang salaweh alam.
Dari panjalehan diateh, maka falsafah alam takambang jadi guru mukasuiknyo mangisaraikan kapado kita supayo sabanyak-sabanyaknyo dari apo sajo nan kito tamui: diliek, didanga, dirasoan di alam nan laweh ko atau pun dari benda-benda mati lainyo sarupo: gunuang, sungai, lauik, langik, dan banyak lainnyo.
Falsafah alam takambang jadi guru, dek urang Minang dibalun atau disimpulkan dan salanjuiknyo dituangkan dalam kato-kato adaik sarupo: pepatah, petitih, pituah, mamangan, pantun, kieh, pameo dan banyak lainyo nan diambiak untuk ungkapan dari batuak, siak, sarato kahidupan alam.
