Baitu barieh balabiahnyo, dari luhak maso dahulu, kok tidak disigi dipanyato, lipuah lah jajak nan dahulu. (Adaik Minangkabau jikok tidak dibina dan dikambangkan, mako keaslian adaik Minangkabau akan hilang kareno dipengarhu dek kamajuan zaman)
Buruak muko camin
dibalah. (Urang nan mambuek kasalahan karano kabodohannyo, tapi nan disalahkan urang lain).
Banggih dimancik,
rangkiang disaliangkan. (Hanyo sorang nan diberanginyo, tapi sakampuan nannyo musuhi)
Barajo Buo Sumpu
Kuduih tigo jo rajo Pagaruyuang, Ibu jo bapak pangkanyo manjadi anak rang
bautang. (Kasalahan anak, banyak tagantuang pado didikan keduo orang tuonyo)
Bak cando caciang
kapanehan, umpamo lipeh tapanggang. (Urang nan indak punyo sifat tanang, hiduik panuah kaluah kasah)
Bak lonjak labu
dibanam, umpamo kacang diabuih ciek. (Urang nan punyo sifaik angkuah dan sombong, urang nan indak tau jo ukua dirinyo surang)
Bak ayam manampak
alang, umpamo kuciang dibaokkan lidieh. (Urang nan sadang dalam katakuikan)
Bak caro tontoang
diladang, umpamo pahek ditokok juo barunyo makan, urang-urang ditanggah sawah
digoyang dulu baru manggariek. (Urangg nan indak tau jo tangguangjaweknyo, nan selalu manunggu parentah)
Bak sibisu
barasian, takana lai takatokan indak. (Urang nan indak punyo kamampuan untuk manyampain nan bana tapi masih ragu-ragu karano ilmu alun cukuik)
Bak baruak
dipataruahkan, bak cando kakuang dipapikekkan. (Urang nan hiduik putuih aso, hanyo manunggu paragiahan urang, indak amuah barusaho, suko bamanuang)
Bak manjamua ateh
jarami, jariah abieh jaso tak ado. (Pakarajoan nan dikarajoan tapi indak diparetongan utuang ruginyo)
