Bak ayam indak ba
induak, umpamo siriah indak ba junjuang. (Suatu masyarakaik atau anak-anak yang indak ado nan mamimpin atau mamaliharonyo)
Bak malapehkan
anjiang tasapik, bak mangadangkan anak harimau. (Urang nan yang ditolong katiko sampik atau kasusahan, namun katiko lapeh dari kasulitan dibaleh jo kajahatan)
Bak api didalam
sakam, aia tanang mahannyuikkan. (Urang nan mampunyai dandam, diparbuatan indak nampak, tapi katiko kajahatan tajadi baru dikatahui)
Bak tapijak dibaro
angek, bak cando lipeh tapanggang. (Urang nan karajonyo nan ingin capek, tapi indak mamikian akibaik buruanyo)
Bak maungkik batu
dibancah, bak manjujuang kabau sikua. (Suatu karajo nan sulik dikarajoan, jiko dikarajoan marupokan nan sio-sio, bahkan ka mangakibakan kasulitan)
Baban barek
singguluang batu, kayu tapikua dipangkanyo. (Suatu karajo dikarajoan nan indak mambari kauntungan materi nan diharokan)
Bak kudo palajang
bukik, umpamo gajah paangkuik lado. (Suatu karajo nan dikarajoan dek urang namun indak diangiah atau diharagoi secara wajar)
Bak banang dilando
ayam, bak bumi diguncang gampo. (Suatu kakacauan nan tajadi dalam masyarakaik nan sulik untuak disalasaikan atau ditanggulangi)
Bak baluik di
gutiak ikua, bak kambiang tamakan ulek. (Urang nan punyo sifaik jo tingkahlaku nan kurang sopan dan juo indak mamparatian urang lain nan katasingguang)
Babana ka ampu
kaki, ba utak ka pangka langan. (Urang nan murah tasingguang jo murah bacakak karano nan hak sapele)
Baumpamo batuang
tak bamiyang, bak bungo tak baduri. (Urang nan indak punyo sifaik malu dalam kahidupannyo, baik laki-laki maupun padusi)
