Bak balaki tukang
ameh, mananti laki pai maliang. (Manunggu sasuatu nan indak ka mungkin tacapai kareno kurang paretongan)
Baulemu kapalang
aja, bakapandaian sabatang rokok. (Urang nan kurang pangatahuan tantang karajo nan dikarajoanyo)
Bunyi kecek
marandang kacang, bunyi muluik mambaka buluah. (Urang nan gadang ota, mangatoan sesuatu nan indak ado hasilnyo)
Baguno lidah tak
batulang, kato gadang timbangan kurang. (Pambicaraan nan dikaluan sacaro sombong jo angkuah, indak mamikian urang nan ka tasingguang)
Bak bunyi aguang
tatunkuik, samangaik layua kalinduangan. (Urang nan indak dapek mangecek karano takuik dan ragu dalam pandirian)
Bak itiak tanggah
galanggang, cando kabau takajuik diaguang. (Urang nan tacengang mancaliak sasuatu, sahinggo indak sadar diri sabagai manusia)
Bungkuak saruweh
tak takadang, sangik hiduang tagang kaluan. (Urang nan indak amuah mandenga nasihat atau pandapek urang lain walaupun inyo salah)
Bak umpamo gatah
caia, bak cando pimpiang dilereng, iko elok etan katuju. (Sifaik urang laki-laki atau parampuan nan indak punyo pandirian)
Basikelah anggan
kanai, basisuruak jikok kanai, tasindoroang nyato kanai. (Sifaik nan harus diindakan, urang nan indak amuah batanggung jawek ateh karajonyo)
Budi nan tidak
katinjauan, paham nan tidak kamaliangan. (Urang nan indak amuah kabaikannyo dicaliak urang, nan salalu hati-hati dalam batindak jo bagau)
Bak basanggai diabu
dingin, bak batanak ditungku duo. (Karajo nan sio-sio jo kurang paretongan)
