Batang aua paantak
tungku, pangkanyo sarang sisan, ligundi disawah ladang sariak indak babungolai. Mauleh jokok mambuku, mambuhua kalau manggasan, kalau budi kelihatan dek urang,
hiduik nan indak baguno lai. (Urang dalam masyarakat nan lah hilang kepercayaan karano karajonyo nan kurang taliti, sahinggo kahilangan kaparcayaan dirinyo)
Basasok bajarami,
bapandam pakuburan, soko pusako kalau tadalami, mambayang cahayo diinggiran. (Sakirnyo adaik didalami sarato diamalkan oleh masyarakaik, mako masyarakaik akan manjadi tinggi martabatnyo)
Basasok bajarami,
bapandam pakuburan. (Iko diibaraikan bahasonyo adaik adolah syaraik wajib di nagari Minangkabau)
Bapuntuang suluah
sia, baka upeh racun sayak batabuang, paluak pangku Adat nan kaka, kalanggik
tuah malambuang. (Kalau ajaran Minangkabau batua-batua diamakan dek masyarakaik, mako masyarakaik nan tinggi paradabannyo akan kuek parsatuanyo)
Bajalan batolan,
bakato baiyo, baiak runding jo mufakat. Turuik panggaja urang tuo, supayo badan
nak salamaik. (Hormaik jo patuah ka urang nan tuo dari kito, maka hiduik kito akan salamaik)
Barakyat dulu
mangko barajo, jikok panghulu bakamanakan. Kalau duduak jo nan tuo pandai nan
usah dipanggakkan. (Katiko kito duduak basamo-samo, mako jaan lah mambanggakan diri)
Bakato bapikiri
dulu, ingek-ingek sabalun kanai, samantang kito urang nan tahu, ulemu padi nan
kadipakai. (Urang nan pandai hiduik bagua, mako hiduiknyo umpamo padi, makin barisi makin tunduak, bukannyo mambanggakan diri)
Lamo bajalan banyak diliek, lamo hiduik banyak diraso. (Urang yang sudah banyak pengetahuan dan pengalaman)
Biopari kato
ibarat, bijaksano taratik sopan, pacik pitaruah buhua arek, itu nan ijan
dilupokan. (Nasihat jaan dilupokan, dipacek arek-arek untuk diamalkan)
Barieh balabiah
limo puluah, nan warieh bajawek juo, kaganti camin gujalo tubuah, paukua
bayang-bayang maso. (Ajaran adaik jikok didalami, itu akan manjadi ukuran kamajuan zaman dibidang moral manusia)
