Bak galagak gulai
kincuang, bak honjak galanggang tingga. (Urang nan balagak pandai, padohal urag tu indak mangatahui nan sabananyo)
Bak ayam lapeh
malam, bak kambiang diparancahkan. (Urang nan kahilangan padoman hiduik sarato, putuih aso dalam mangarajoan sasuatu)
Bak balam talampau
jinak, gilo maangguak tabuang aia, gilo mancotok kili kili. (Urang nan mudah dipuji, katiko mandapek pujian sahinggo mudah sajo mambukak rahasio)
Bagai kabau jalang
kareh hiduang, parunnyuik pambulang tali, tak tantu dima kandangnyo. (Urang nan kareh kapalo sahinggo susah manarimo nasihaik urang lan, padohal inyo indak mangarati parsoal tu)
Bak umpamo badak
jantan, kuliek surieh jangek lah luko, namun lenggok baitu juo. (Urang nan indak tau diri, awak lah tuo tapi balagak mudo sajo)
Bak ma eto kain
saruang, bak etong kasiak dipantai. (Suatu parsoalan nan indak baujuang dalam masyarakaik)
Barundiang siang
caliak-caliak, mangecek malam agak-agak. (Mangecek harus hati-hati jaan sampai manyinguang orang lain)
Bak manungkuih
tulang didaun taleh, bak manyuruakan durian masak. (Karaja nan buruak, sapandai manyimpanyo, tatap ka di katahui dek urang lain)
Bilalang indak
manjadi alang, picak-picak indak jadi kuro-kuro. Walau disapuah ameh lancuan, kilek loyang kan tampak juo. (Satiok panipuan nan dikarajoan apabilo ditutuik-tutuik, kamudian hari ka dikatahui juo)
Bak mandapek durian
runtuah, bak mandapek kijang patah. (Urang nan mandapek labo tau razaki nan indak dikiro-kiro datangnyo)
