Adat biaso kito pakai, limbago nan samo
dituang, nan elok samo dipakai nan buruak samo dibuang. (Nan elok samo dipakai, kok buruak samo ditinggaan)
Anak-anak kato
manggaduah, sabab manuruik sakandak hati, kabuik tarang hujanlah taduah, nan
hilang patuik dicari. (Dek karano kondisi alah baik, aratinyo lah wakatunyo menyamparonoan hiduik kamungko)
Anggang nan datang
dari lauik, tabang sarato jo mangkuto, dek baik budi nan manyam buik, pumpun
kuku patah pauahnyo. (Urang nan disambuik jo hati nan baik, karajo nan elok, musuah sakalipun indak ka garang)
Anjalai pamaga
koto, tumbuah sarumpun jo ligundi, kalau pandai bakato kato, umpamo santan jo
tangguli. (Urang nan pandai manyampaikan masalah jo kato nan elok, ka mambuek urang nan dihadang sanang)
Atah taserak dinan
kalam, intan tasisiah dalam lunau, inyo tabang uleklah tingga, nak umpamo
langgau hijau. (Saumpano mancaraian bini nan sadang hamil, nan tu marupokan karajo nan indak elok)
Aia diminum raso
duri, nasi dimakan raso sakam. (Urang nan sadang manangguang pandaritaan bathin)
Adaik rang mudo
manangguang rindu, adaik tuo manahan ragam. (Karajo nan sasuai jo ukuran patuik sarato mungkin)
Alah limau dek
mindalu, hilang pusako dek pancarian. (Adaik kito jan sampai hilang dek masuak adaik urang lua)
Adat dipakai baru,
jikok kain dipakai usang. (Adaik Minangkabau dipakai taruih karano ajaran Minangkabau bisa baguno sapanjang zaman)
