Kato Nan Ampek di Minang

Di minang dalam batutua kato atau mangecek harus tau jo kato nan ampek. Kalau ndak tau jo kato nan ampek buluih dikatoan urang nan kurang taratik. Partamo kato mandaki, bakato kanan gadang. Aratinyo kalau mangecek kanan gadang sarupo ka datuak, ka urang gaek atau urang dianggap urang nan labiah gadang dari awak. Bakato ka nan gadang indak hanyo kato-kato  sajo tapi kareh lunaknyo suaro haruih dijago pulo. 

Nan kadua, kato manurun, bakato ka nan ketek, sarupo mamak ka kamanakan, kakak ka adiak, guru ka murik dan lainnyo. Bakato ka nan ketek harus jaleh dan dimangarati dek nan ketek. Indak manyingguang parasaan nan mudo. Indak diremehan dan indak pulo disepelaan. 

Nan katigo, kato malereang. Iko biasonyo kata urang nan samo-samo disagani. Sarupo mamak rumah ka urang sumando, minantu ka mintuonyo jo nan lainnyo. Biasonyo kato malereang baik nan mangecek atau lawan mengecek manggunoan kato basisampiang atau baumpamo. 

Dan nan kaampek, kato mandata. Iko kato  untuak nan saumua atau samo gadang. Bakato samo gadang agak saketek lapeh. Kato mandata, kito bisa bakato agak lapeh. Tapi banyak juo taraso ado nan kasa, kaau didenga de nan ketek. Tapi itulah arifnyo, tau dima awak duduk, ka sia awak mangecek, jo sia urang tu bakato.