Asa Mulo Namo Payokumbuah

Ado namo ado curito. Manuruik tambo jo warih nan bajawek, namo Payokumbuah mulonyo dari kato kumbuah nan payau. Ado pulo nan mangatoan kumbuah nan bapayau. Payau tu adolah daerah rawa rang katoan. Daerah nan banyak air taganang. Sahinggo di tampek tu tumbuah mansiang ado lo nan mangatoan kumbuah. Adolo nan mangatoan kumbuah tu samo jo masiang. 

Biasonyo kumbuah dek sabagian dareah itu namo untuk tinaman kaladi aia, tapi nan mangatoan kumbuah samo jo mansi, itu tinaman nan biaso dijadian pandan untuk buek kambuek atau lapiak lambak di sabagian dearah minang. 

Dari babarapo kaba, dulu lapakan poliko banyak ditumbuahi kumbuah dan daerah tu juo ado payau.  Dari kaba nan lain daerah Kumbuah Nan Payau tu taruko patamo sakali di sampiang Aia Tabik jo Titian Aka. Dari curito muluik ka muluik sabalum daerah lapangan Poliko tau di Kumbuah Nan Payau nan ditarukoan dek manusia. 

Ado curito lain mangatoan subananyo daerah di Aia Tabik jo Titian Akar tamasuaklo Koto Nan Gadang alah bapanghuni sabalumnyo. Malah dipicayio niniak moyang di tigo daerah ko tibo samo-samo jo panghuni Kumbuah Nan Payau.