Alam bagi urang Minangkabau indak hanyo sabagi tampek tingga, tampek lahia, tampek mati, tampek hiduik jan bakambang. Alam dek urang Minangkabau marupokan guru nan sangaik elok, nan mambarikan tuntunan dalam majalannkann kahidupanko. Alam nan kayo jo makna filsafahnyo nan manambah kualitas katinggian, pikiran jo budi bagi suku Minangkabau.
Urang Minangkabau banyak baraja dari apo nan tasobok di bumi ko, nan didanga, dirasokan, apokah itu dari tumbuhan, binatang, manusia, ataupun benda-benda nan mati lainnyo. Kasadonyo tu dapek dijadikan sabagai filsafah.
Contoh falsafah nan basumber dari alam manusia:
nan buto paambuih lasuang
nan pakak palapeh badia
nan lumpuah paunyi rumah
nan kuek pambaok baban
nan binguang ka disuruah-suruah
nan cadiak lawan barundiang
Dari mamangan diateh dapek diambiak kasimpulan bahsonyo kakurangan atau pabedaan indak manjadi parusak parsatuan, justru harus dimanfaatkan elok-elok karano saliang malangkok i. Malatakkan sasuatu pado tampeknyo.
Contoh falsafah Minangkabau nan basumber dari alam binatang:
bak anak ayam kahilangan induak
Ayam disiko tantu mukasuinyo ayam kampuang. Anak ayam nan lapeh dari induknyo tantu akan heboh lari kian kamari, bahkan ado nan bamanuang surang. Itulah kondisi urang nan kahilangan tampek bagantuang nan lah hilang. Konon kakarabatan matrilineal Minangkabau marupokan ajaran filsafah nan diambiak dari kahidupa urang Maninagkabau
Contoh filsafah nan basumber dari alam tumbuhan:
bak karambia tumbuahnyo condong
Iko diumpamokan kapado anak nan digadangkan dikampuang halaman, namun sasudahnyo barhasil indak amuah mangabdi kakampuang halaman.
Contoh filsafah yang basumber dari alam benda-benda mati:
gagak dihulu tando hujun, cewang di langik tando ka paneh
Iko aratinyo harus pandai mambaco tando-tando alam. Samisalkan dalam pargaulan sahari-hari, harus pandai tando-tando dari wajah urang. Bilo wajah urang tu sadang rusuah, itu tando urangnyo sadang banyak masalah.
