Satiok ukiran yang ado di minang punya makna jo pesan pelajaran. Satiok ukiran punya filsafah yang diabiak dari alam. Ukiran minang sasuai jo dari mano ukiran di ambiak, sarupo Ayam Mancotok, Gajah Badorong, Harimau dalam Parangkok, Itiak Pulang Patang, Kuciang lalok dan banyak lainnyo.Barikuik ko, ado beberapo namo ukiran jo makna nyo sacaro umum: a). “kaluak paku" mampunyoi makna anak dipangku kamanakan dibimbiang. b). “pucuak rabuang" takanduang palajaran ketek baguno, gadang tapakai. c). “saluak laka” iko marupokan lambang kakarabatan di Minang. d). “jalo” malambangkan sistem pamarentahan datuak Parpatiah Nan Sabatan jo aliran Bodi Caniagonyo. e). “jarek” malambangkan sistim pamarentahan Datuak Katumungguangan jo aliran Koto Piliangnyo. f). “saik galamai” malambangkan katalitian. g). “si kambang manih” melambangkan karamahan. h). “itiak pulang patang” mampunyoi filsafah: kesalarasan kasanian kehidupan Minangkabau jo alam, tata pergaulan hiduik kasaharian, tatanan sistem pamerintahan, kataguan hiduik, jo rasa basamo hiduik jo masyarakaik.
