Ado namo ado curito. Manuruik tambo nan lah bakambang, dicaritokan: ndak bara lamonyo, tibolah rajo mambawo kabau gadang nan tanduaknyonyo sapanjang salapan dapao. Mako rajo tu bataruah, saandainyo kalah kabau kami, mako ambiaklah isi kapako. Mako dijaweklah dek rajo dan bajanji salamo tujuah hari. Bisuaknyo dicarilah anak kabau nan sadang arek manyusu, nan disisiahkan dari induaknyo. Anak kabau tadi dibuekan tanduak basi nan bacabang duo dengan panjang anam dapo.
Katiko sampai wakatu nan dijanjikan, mako dipasangkan taduakbasi tadi ka anak kabau nan lah disisiahkan dari induaknyo. Mako katiko anak kabau tadi dilapeh dari kandangnyo, mancaliak kabau gadang tadi, disangko induaknyo, mako anak kabau tadi langsuang manyarunduak ka manyusu dek karano lah bahari indak manyusu. Sahinggo tanduak tadi manusuak paruik kabau gadang tadi sahinggo kabau gadang tadi mati.
Mako sapakaiklah sado rakyaik manyabuikan nagari tu Minangkabau. Asa kato dari Manang Kabau. Bantuak kamangan kabau tadi, dapek lo kito caliak di tabulibun barikuik ko:
Karano tanduak basi paruik tajalo
Mati di Padang Koto Ranah
Tuo jo Mudo sungguahpun heran
Datangnya indak karano diimbau
Dek karano Cadiak Niniak kito
Lantaran manyambuang di galanggang tanah
Dipadapek tuah kamujuran
Timbualah namo Minangkabau
